KLM(2).38 : 3. Iṭṭhadhammasuttaṃ
3. Iṭṭhadhammasuttaṃ
73. ‘‘Dasayime, bhikkhave, dhammā iṭṭhā kantā manāpā dullabhā lokasmiṃ. Katame dasa? Bhogā iṭṭhā kantā manāpā dullabhā lokasmiṃ; vaṇṇo iṭṭho kanto manāpo dullabho lokasmiṃ; ārogyaṃ iṭṭhaṃ kantaṃ manāpaṃ dullabhaṃ lokasmiṃ; sīlaṃ iṭṭhaṃ kantaṃ manāpaṃ dullabhaṃ lokasmiṃ; brahmacariyaṃ iṭṭhaṃ kantaṃ manāpaṃ dullabhaṃ lokasmiṃ; mittā iṭṭhā kantā manāpā dullabhā lokasmiṃ; bāhusaccaṃ iṭṭhaṃ kantaṃ manāpaṃ dullabhaṃ lokasmiṃ; paññā iṭṭhā kantā manāpā dullabhā lokasmiṃ; dhammā iṭṭhā kantā manāpā dullabhā lokasmiṃ ; saggā iṭṭhā kantā manāpā dullabhā lokasmiṃ.
‘‘Imesaṃ kho, bhikkhave, dasannaṃ dhammānaṃ iṭṭhānaṃ kantānaṃ manāpānaṃ dullabhānaṃ lokasmiṃ dasa dhammā paripanthā – ālasyaṃ anuṭṭhānaṃ bhogānaṃ paripantho, amaṇḍanā avibhūsanā vaṇṇassa paripantho, asappāyakiriyā ārogyassa paripantho, pāpamittatā sīlānaṃ paripantho, indriyaasaṃvaro brahmacariyassa paripantho, visaṃvādanā mittānaṃ paripantho, asajjhāyakiriyā bāhusaccassa paripantho, asussūsā aparipucchā paññāya paripantho, ananuyogo apaccavekkhaṇā dhammānaṃ paripantho, micchāpaṭipatti saggānaṃ paripantho. Imesaṃ kho, bhikkhave, dasannaṃ iṭṭhānaṃ kantānaṃ manāpānaṃ dullabhānaṃ lokasmiṃ ime dasa dhammā paripanthā.
‘‘Imesaṃ kho, bhikkhave, dasannaṃ dhammānaṃ iṭṭhānaṃ kantānaṃ manāpānaṃ dullabhānaṃ lokasmiṃ dasa dhammā āhārā – uṭṭhānaṃ anālasyaṃ bhogānaṃ āhāro, maṇḍanā vibhūsanā vaṇṇassa āhāro, sappāyakiriyā ārogyassa āhāro, kalyāṇamittatā sīlānaṃ āhāro, indriyasaṃvaro brahmacariyassa āhāro, avisaṃvādanā mittānaṃ āhāro, sajjhāyakiriyā bāhusaccassa āhāro, sussūsā paripucchā paññāya āhāro, anuyogo paccavekkhaṇā dhammānaṃ āhāro, sammāpaṭipatti saggānaṃ āhāro . Imesaṃ kho, bhikkhave, dasannaṃ dhammānaṃ iṭṭhānaṃ kantānaṃ manāpānaṃ dullabhānaṃ lokasmiṃ ime dasa dhammā āhārā’’ti.
tipitaka.org
| Chướng ngại | 10 Pháp Như Ý | Điều kiện |
|---|
| Lười biếng, không siêng năng | Tài sản | Siêng năng, không lười biếng |
|---|
| Không trang sức, không tô điểm | Dung sắc | Có trang sức, tô điểm |
|---|
| Sinh hoạt không thích ứng | Sức khỏe | Sinh hoạt thích ứng |
|---|
| Bạn xấu | Đức hạnh | Bạn lành |
|---|
| Không phòng hộ lục căn | Phạm hạnh | Phòng hộ lục căn |
|---|
| Gian dối | Tình bạn | Chân thành |
|---|
| Không ôn tập | Kiến thức | Có ôn tập |
|---|
| Không lắng nghe, không tham vấn | Trí tuệ | Có lắng nghe, tham vấn |
|---|
| Không chuyên tâm, không quán sát | Thánh pháp | Chuyên tâm, quán sát |
|---|
| Hành động sai quấy | Thiên giới | Hành động đúng đắn |
|---|
Iṭṭhadhamma sutta
- Bhoga — ālasya anuṭṭhāna — uṭṭhāna anālasya
- Vaṇṇa — amaṇḍanā avibhūsana — maṇḍana vibhūsana
- Ārogya — asappāyakiriyā — sappāyakiriyā
- Sīla — pāpamittatā — kalyāṇamittatā
- Brahmacariya — indriyaasaṃvara — indriyasaṃvara
- Mittā — visaṃvādanā — avisaṃvādanā
- Bāhusacca — asajjhāyakiriyā — sajjhāyakiriyā
- Pañña — asussūsā aparipucchā — sussūsā paripucchā
- Dhamma — ananuyoga apaccavekkhaṇā — anuyogo paccavekkhaṇā
- Sagga — micchāpaṭipatti — sammāpaṭipatti
suttacentral.net   |
